ads

ads

ads ads

@rwandatoday, Amamaza hano +250 788 625 932...

Urukiko rwisumbuye rwa Musanze rwemeje ko rufite ububasha bwo kuburanisha gitifu ushinjwa gufungira umuturage mu modoka

by FRATERNE MUDATINYA 13 October. 2020 @rwandatoday 2K Views


13102020170651img-20200618-wa0064_1_-2cbc9.jpg
ADVERTISEMENT



Urukiko rwisumbuye rwa Musanze rwatesheje agaciro inzitizi zari zatanzwe n’uwahoze ari umunyamabanga Nshingwabikorwa w’Umurenge wa Busogo Nsengimana Aimable, uregwa gukomeretsa bitari ku bushake no gutwara no gufungira umuntu ahantu hatemewe.


Uyu mugabo yari yaburanye asaba ko urubanza rwe rwaburanishirizwa mu rukiko rw’ibanze rwa Muhoza.


Ibi byaha aregwa yabikoze ku itariki ya 18 Nzeri 2020, abikoreye umuzamu wakoraga ku ruganda rukora inzoga witwa Mbonyimana Fidel, ubwo itsinda ryari ririmo kugenzura uko amabwiriza yo kwirinda Covid-19 yubahirizwa, ryageraga ku ruganda uyu musekirite akanga ko binjiramo.


Ibi byaje guteza imvururu, bituma aba-Dasso bitabaza Gitifu w’Umurenge, ahageze afata uwo muzamu amufungira inyuma mu modoka ye amujyana kumuca amande ku Murenge.


Ubwo bari bakiri mu nzira, urugi rwarifunguye Mbonyimana avamo agwa muri kaburimbo arakomereka bikabije, binamuviramo guta ubwenge.


Kuri uyu wwa 13 Ukwakira 2020 nibwo urukiko rwisumbuye rwasomye umwanzuro ku nzitizi zari zatanzwe na Nsengimana wifuzaga ko urubanza rwe rwaburanishirizwa mu rukiko rw’ibanze, urukiko rwisumbuye rukaba rwasanze inzitizi zose yatanze nta shingiro zifite.


Yari yavuze ko nta bubasha urukiko rufite bwo kuburanisha urubanza rwe kubera ko ibyaha aregwa bihanishwa igifungo kiri munsi y’imyaka itanu, no kuba Ubushinjacyaha aribwo bwatanze ikirego cyagombaga gutangwa n’uwakorewe icyaha.


Aha Urukiko rwisumbuye rwagaragaje ko ibyaha aregwa bikubiye mu ngingo ya 151 yo mu gitabo cy’amategeko ahana ibyaha mu Rwanda, aho uhamwe n’ibi byaha bikubiye muri iyi ngingo ahanishwa igifungo kiri hagati y’imyaka itanu n’irindwi, ariho uru rukiko rwahereye rugaragaza ko rufite ububasha bwo kuruburanisha.


Ku kijyanye n’inzitizi yo kuba Ubushinjacyaha aribwo bwatanze ikirego mu gihe cyari gutangwa n’ uwakorewe icyaha, Urukiko rwisumbuye rwagaragaje ko mu ngingo ya 142 y’itegeko nshinga ivuga ko ubushinjacyaha bwemerewe gukurikirana ibyaha byose bikorerwa mu gihugu, bukanatanga ibirego, bituma urukiko rwemeza ko ibyo bakoze babyemererwa n’itegeko.


Urukiko rwisumbuye kandi rwemeje ubusabe bw’ubushinjacyaha bwasabaga ko icyaha cyo gukomeretsa bitari ku bushake cyaregewe mu rukiko rw’ibanze rwa Muhoza, cyahurizwa hamwe n’icyo gutwara no gufungirana umuntu ahantu hatemewe cyaregewe mu rukiko rwisumbuye, ibi byaha byose bigahurizwa mu rukiko rwisumbuye akaba ariho biburanishirizwa.


Ku bijyanye n’uko Gitifu n’abunganizi be basabye ko arekurwa akajya yitaba urukiko ari hanze, urukiko rwisumbuye rwavuze ko rutakwemera ko aburana ari hanze kuko ashobora gutoroka ubutabera kubera uburemere bw’ibyaha aregwa, bityo rutegeka ko akomeza gufungwa.


Urubanza rwasojwe urukiko rwisumbuye rwemeje ko uru rubanza ruzasubukurwa tariki ya 15 Ukwakira 2020 saa munani z’amanywa, urubanza ruburanwa mu mizi.
ADVERTISEMENT





ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO







Nature
by : FRATERNE MUDATINYA 15 October, 2020










FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links