ads

ads

ads ads

@rwandatoday, Amamaza hano +250 788 625 932...

Ibanga ry’ubucuruzi bwa Sina Gérard ukomeje urugendo rwo kubaka abakozi b’ahazaza, ubu noneho yakoze inzoga yitwa AKARUSHO iryoshye cyane- ABASHAKA KUYIRANGURA NO KUYINYWA MUSOME IYI NKURU

by FRATERNE MUDATINYA 13 September. 2020 @rwandatoday 4K Views


13092020001857SmfBUWn.jpg
ADVERTISEMENT



Mu misozi ya Rulindo mu Kagari ka Nyirangarama, niho havukiye rwiyemezamirimo Sina Gérard, ibikorwa bye bihindura aka gace ku buryo amaze kukitirirwa. Ni naho hashibutse Ikigo gikomeye mu bucuruzi bw’ibikomoka ku buhinzi n’ubworozi Sina Gérard/Entreprise Urwibutso, cyahereye ku bucuruzi bw’amandazi yamamaye nk’Urwibutso, ariko ubu kigeze ku binyobwa by’umwimerere birimo na divayi. Ubu Sina ni umuhamya w’uko umurimo wose ari umurimo, icyangombwa ni ukuwukora neza kandi ugakora imibare.

Yabwiye Itangazamakuru agira ati “Nta wumvaga ko amandazi ashobora kugira aho avana umuntu ngo agire aho amugeza, nk’uko nta wumvaga ko urusenda rwagira aho ruvana umuntu rugire aho rumugeza, cyangwa se ibijumba ngo ubyongerere agaciro bigire aho bikugeza.”

Nyamara byarashobotse! Sina Gérard yatangiye akora amandazi yise Urwibutso ari naho ikigo cye gikomora izina, aza kongeraho Agashya ka Maracuja, Agashya k’Inkeri, Agashya k’Inanasi n’Agashya ka Karoti. Yakomeje ati “Urumva wariye ariko ugomba kugira n’icyo unywa. Ariko ugatekereza uti ese ko hari abantu bakunda agasembuye, twabakoreye divayi ikomoka ku bitoki. Ariko se ko dushaka ibintu bihuza amahanga n’igihugu cyacu, mpinga imizabibu, dukoramo divayi.

Abifite bose divayi bakoresha ahanini ni ituruka ku mizabibu, kandi nanone bikagendana no guhanga umurimo.” Hejuru y’ibyo bicuruzwa hiyongeraho amazi y’Akandi y’umwimerere, Akabanga nk’urusenda rumaze kogoga amahanga, Aka (mayonnaise), Akarusho (gakoze mu bitoki), Akarusho (divayi) n’Akacu (ketchup). Ni ibiribwa n’ibinyobwa by’umwimerere kandi bihendukiye buri wese bitewe n’amikoro, bifite ibyemezo by’ubuziranenge mu Rwanda na mpuzamahanga. Yakomeje ati “Buri rwego rw’abantu, nshatse kuvuga ngo yaba abakene, ngira uko mbagenera.

Yaba abakire ngira uko mbagenera, yaba abayobozi nkagira uko mbagenera, umwimerere ari umwe, ariko ingano nkazihinduranya, urumva nk’Akabanga ushobora kugura mililitiro 20, ushobora no kugura mililitiro 100, ubwo biva ku ko mu mufuka umeze.”


Ibinyobwa bya Nyirangarama bigiye kwiyongeraho liqueur Sina Gérard avuga ko muri iki gihe barimo kugerageza ikinyobwa gishya cyo mu bwoko bwa liqueur, mu minsi iri imbere kikazajya ku isoko, kikiyongera ku rwunge rw’ibindi bikorwa na Entreprise Urwibutso. Yakomeje ati “Muri uyu mwaka ikintu turimo kumenyekanisha ni uko mu byo twari tumaze kugeraho, ntabwo twari twakagizemo liqueur. Iyo rero niyo dufite, turitegura gushyira ku isoko, turacyanoza ngo turebe neza uko abantu bayumva, ubuziranenge bwayo, uko ifunze, uko iteye, mu gihe kitarambiranye nabyo tuzakomeza kubigeza ku Banyarwanda kuko ubundi buri mwaka tugomba kugira agashya tugeraho muri entreprise. Tubitegekwa n’umurimo, tugategekwa n’abakiliya, ibyo bifuza tukabyubahiriza.” Ni inzoga ikiri mu bubiko gusa ngo ubwo ibikenewe bizaba bumaze kujya ku murongo, abantu batandukanye bazahabwa umwanya wo kuyita izina, kandi buri gihe izina ry’igicuruzwa cya Nyirangarama gitangizwa n’inyajwi ya A. Ishuri yashinze rikomeje kubyirura abakozi Mu 2003 nibwo hashinzwe College Fondation Sina Gérard, igamije guharanira ko nubwo ubuhinzi n’ubworozi bikomeje gutera imbere, ejo hatazaza ikoranabuhanga rishya ugasanga Abanyarwanda ntibiteguye kuribyaza umusaruro, bagatakara.

Yakomeje ati “Iryo shuri ryaje ari uruganda rw’ubwenge, kugira ngo nanone ba Banyarwanda babashe kwiga neza, nanjye nunganire leta nziza yigisha abaturage bayo, nanjye nibone mu Banyarwanda bubaka igihugu twese dufatanyije.” Ririmo Ishami ry’Ubuhinzi n’Ubworozi, gutunganya ibikomoka ku biribwa, imyuga nk’ububaji, gutunganya imisatsi, inzu yigisha ubudozi, ubwubatsi no gusudira, ubukanishi n’ibindi kandi abanyeshuri bagahabwa amahirwe yo kwiga ariko banashyira mu ngiro ibyo bize binyuze mu nganda za Entreprise Urwibutso. 

Sina Gérard yakomeje ati “Icyo mparanira ni ukugira ngo umworozi, umushumba, azabe ari umushumba w’umuveterineri uzi icyo icyo akora, yungure nyir’urwuri kandi nawe yunguke, ahembwe neza n’akazi kaboneke.” “Hari n’imodoka muri rusange atari ukuvuga ngo hari ikimodoka kiri hariya bamwereka ngo ‘radiateur’ ni iyi n’iyi, oya.
ADVERTISEMENT

Yigira ku zigenda, ku buryo iyo naganiriye nabo, ubundi buri cyumweru ngira umwanya wo kujya kubaganiriza, ikinshimisha ni uko abo bose baravuga bati mu biruhuko dukora ibiraka ku buryo dushobora no kwirihira amafaranga y’ishuri.” Iri shuri buri mwaka ryakira nibura abanyeshuri bagera kuri 600 kuburyo ubu rifite abarenga 1800, hagamije guteza imbere aho rikorera, ngo urubyiruko rubashe kwiga neza, ari nabo bakozi b’ahazaza ba Entreprise Urwibutso. Kongera ibyoherezwa mu mahanga birakomeje Sina Gérard avuga ko isoko ry’ibanze ari iryo mu gihugu, nubwo urugendo rwo kongera ibyoherezwa mu mahanga narwo rukomeje.

Yakomeje ati “Ibyo ducuruza tubanza kwihaza ku isoko ryacu, hanyuma nanone tugatangira kujya ku masoko anyuranye ukurikije ibyo bashaka, icyo gihe nibwo tugenda tubyohereza. Hari isoko muri Afurika y’Iburasirazuba n’ibindi bihugu byo muri Afurika, hanyuma u Burayi tukabujyamo duhereye mu Bubiligi, u Bufaransa, u Budage, u Bwongereza, u Buholandi tukajyayo, noneho hakaza Canada, muri Amerika, u Bushinwa, tukagenda twohereza ibyo dukora.

Ntabwo navuga ngo byari byagenda byinshi nk’uko tubishaka, ariko nta gihe kirarenga.” Kugeza ubu Agashya, Akabanga n’Akarusho nibyo bicuruzwa bya Entreprise Urwibutso byoherezwa mu mahanga ku rwego rwo hejuru ugereranyije n’ibindi, ndetse hari icyizere ko mu gihe kiri imbere nabyo bizoherezwa ku bwinshi.

Entreprise Urwibutso mu myaka itanu iri imbere Kugeza ubu Entreprise Urwibutso ikoresha abakozi badahoraho bagera ku 1000, abakozi nk’abo mu nganda, abahanga mu by’imirire, abahanga mu buhinzi n’abandi bava mu gihugu hose kimwe no mu mahanga basaga 500. Sina Gérard avuga ko mu myaka itanu iri imbere yifuza ko ikigo cye kizaba kimaze gutera indi ntambwe, ari nako kirushaho kwifashisha ikoranabuhanga rishya. Ati “Hari ahantu entreprise izaba igeze heza, uko tugenda tuzana imashini zigezweho, singire igishyika ngo nzabifashwamo na nde.

Kugeza mu 2022 nzaba ntangiye kugira abana barangije Masters mu bo nafashije kugira ngo bige kuko ishuri naritangiye 2003, abo nkazaba nongera kubibonamo.” “Hari uwageze mu Budage urimo kurangirizayo, hari uri muri Amerika, bose bazazana ikoranabuhanga rirenze, baze noneho ari bo mbonamo Made in Rwanda, mu gihe twagombaga gushakisha [mu mahanga] abaza kudufasha mu ikoranabuhanga rirenze, ubwo noneho tukabona n’abizeyo banabizi, ibyo nabyo ni urwego rwo kugira ngo bizadufashe.” Ubuhinzi ni imari Sina avuga ko yasanze umuntu wese uhumeka agomba guhura n’ubuhinzi, kandi iyo umuntu abukoze neza bumuha umusaruro ukomeye. Ati “N’ibi ngibi umuntu avuga ngo yabuze aho ashora, aho agira gute, tuba tugifite amahirwe y’uko umuntu agira aho agenda, arara, anafite kabe na gatoya, ariko wasuye kuri nyirangarama nakwereka uburyo uhinga mu biti, mu kirere, ubundi ugahinga mu buso butoya, ugasarura ukitunga nta nzara, ndetse ugasagurira isoko. “Mu myaka iri imbere, ndifuza ko buri rugo rw’Umunyarwanda, uwiyita umuhinzi yaba ari n’umugoronome, afite dipolome cyangwa yarabihuguriwe. 

Icyo gihe u Rwanda ruzaba rutekanye, usange twese umusaruro wacu tuwohereza mu mahanga, indege zibone ibyo zitwara, amato agire icyo atwara, nta mpungenge zivuga ngo ubutaka bwacu ni butoya, oya, iyo ubukoresheje n’ikoranabuhanga byose birashoboka.“ Ifungurwa ry’inzu ndangamateka Sina avuga ko yabyirutse asangizwa ku murage w’abakurambere ku bintu bishoboka cyangwa ibizira, na we amaze gutera intambwe afatanyije n’Abanyarwanda, atekereza uko yakubaka inzu ndangamateka ye. Ati “Byari ngombwa ko ntangira nkerekana ko navutse ndi umwana nk’abandi, nkerekana ibyo maze kugeraho, kugira ngo urubyiruko rw’uyu munsi rutagira ngo waravutse urasimbuka, bakamenya ngo ntangira ubucuruzi byagenze gute, nagenze ku igare, naguze ikamyoneti, naguze ivatiri, bakamenya ko ari inzira.“ “Aho kugira ngo uvuge ngo ntangiye ubucuruzi, nakagombye kuba mfite ibingana kuriya, ntabibonye nkore nabi, oya. Burya nicyo iriya nzu ndangamateka igamije.

N’uruganda ubwarwo, uruganda rwa Maracuja uyu munsi ruri ku rwego mpuzamahanga, ibiruvuyemo nibyo bigenda hanze, ariko twatangiye tutunganya maracuja dukoresha imbugita, dukata n’intoki. Ariko kubera ko twabikoraga neza, byaduhaye icyizere cyo kuba twashobora kubaka uruganda kandi byarashobotse. “ Mu rugendo rw’igihe kirekire, Sina Gérard avuga ko uretse kwagura ibikorwa by’uruganda yifuza no kubaka kaminuza yigenga, ikunganira abataragize amahirwe yo kujya muri kaminuza, byose bikazafasha igihugu byunganirana n’imiyoborere myiza gifite. Nk’umuntu ukora mu bikomoka ku buhinzi, arangamiye itangizwa ry’isoko rusange rya Afurika (AfCTFA), ryitezweho guhuriza hamwe Abanyafurika ku isoko rusange rya miliyari 1.2. Ni igikorwa avuga ko yanyotewe amaze kubona uburyo mu Burayi umuntu ashobora nko kuva mu Budage akajya mu Bufaransa n’u Butaliyani nta bariyeri.

Rwandatoday.rw twabatangariza ko iyi nzoga ko ari inzoga nziza cyane ifite ubuziranenge ndetse kandi twabashishikariza mwese mushaka kuza kuyirangura namwe mwishakira iyo kunywa ko mushobora guhamagara kuri nimero zikurikira mukabasha kuyirangura hakiri kare : +250788300556, +250788300008, +250788305122.


Inzoga yakarusho iri mu macupa neza cyane kandi abakiriya bose barayakunze cyane



Umuherwe SINA GERARD

ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO

















FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links