ads

ads

ads ads

@rwandatoday, Amamaza hano +250 788 625 932...

Rubavu:Umusore yafashwe yinjiza mu Rwanda udupfunyika tw’urumogi hafi 600

by FRATERNE MUDATINYA 20 July. 2020 @rwandatoday 3K Views


20072020024146urumugi_rubavu.jpg
ADVERTISEMENT



Umusore witwa Usengimana Pacifique w’imyaka 22 y’amavuko yafatanwe udupfunyika 582 tw’urumogi atuvanye mu gihugu cya Rebupulika iharanira Demokorasi ya Congo arimo kurwinjiza mu Rwanda.

Ku mugoroba wa tariki ya 17 Nyakanga ahagana Saa mbiri z’umugoroba nibwo abashinzwe umutekano mu karere ka Rubavu mu murenge wa Gisenyi mu kagari ka Mbugangari mu mudugudu wa Karundo bafashe uyu Usengimana.

Umuvugizi wa Polisi mu ntara y’Iburengerazuba, Chief Inspector of Police (CIP) Bonaventure Twizere Karekezi avuga ko abashinzwe umutekano bamufashe amaze kuva ku butaka bwa Congo amaze kwinjira mu Rwanda.

Yagize ati “Uriya musore yari yanyuze mu nzira zitemewe yinjira mu Rwanda afite ruriya rumogi. Abashinzwe umutekano bahise bamubona baramuhagarika bamwegereye basanga yikoreye igipfunyika kirimo urumogi.”

Akimara gufatwa yahise ajyanwa gusuzumwa niba nta bwandu bwa COViD-19 akuye muri Repubulika iharanira Demokarasi ya Congo, ubu yashyizwe mu kato mbere y’uko azashyikirizwa ubutabera.

CIP Karekezi yongeye gukangurira abaturage kwirinda kwambuka umupaka muri iki gihe kubera icyorezo cya COVID-19 ndetse anabibutsa ko ibikorwa byose bijyanye n’ibiyobyabwenge bitemewe ndetse ubifatiwemo abihanirwa n’amategeko.

Ati “Turagira ngo twongere dukangurire abantu kwirinda kwambuka imipaka mu rwego rwo kwirinda icyorezo cya COVID-19.

Buri muntu wese agomba kwiha intego igira iti ntabe ari njye uba nyirabayazana w’icyorezo mu muryango nyarwanda. Ikindi kandi ibikorwa byose bijyanye no kwijandika mu biyobyabwenge bihanirwa n’amategeko.”

Yakomeje akangurira abaturage cyane cyane urubyiruko gushaka indi mirimo bakora itabagusha mu byaha kandi kuko ihari mu buryo butandukanye cyane cyane ko abakunze gufatirwa mu byaha by’ibiyobyabwenge ari urubyiruko.

CIP Karekezi yashimiye abaturage bakomeje gufasha inzego z’umutekano gutahura abanyabyaha abasaba gukomereza aho bakajya batangira amakuru ku gihe kugira ngo ibyaha bikumirwe bitaraba.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.
ADVERTISEMENT





ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO






Nature
by : FRATERNE MUDATINYA 10 August, 2020







Nature
by : FRATERNE MUDATINYA 20 July, 2020




FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links