ads

ads

ads ads

@rwandatoday, Amamaza hano +250 788 625 932...

Rev. Karangwa John, Umuvugizi wungirije wa ADEPR yasabiwe gufungwa imyaka irindwi

by FRATERNE MUDATINYA 11 June. 2020 @rwandatoday 14K Views


11062020013637Rev-Karangwa-John.jpg
ADVERTISEMENT


Hifashishijwe ikoranabuhanga ryakurikiranirwaga mu rukiko rwisumbuye rwa Nyamirambo, Rev. Karangwa John, Umuvugizi wungirije wa ADEPR, mu rubanza rupfundikira iburanisha ku cyaha aregwa cyo guhimba no gukoresha inyandiko mpimbano, Umushinjacyaha yamusabiye gufungwa imyaka irindwi n’ihazabu y’amafaranga y’u Rwanda agera kuri miliyoni eshanu.

Ni ku wa Gatatu tariki ya 10 Kamena 2020 saa yine n’iminota icumi za mugitondo (10:10am). Umucamanza uyoboye inteko iburanisha yifashishije ikoranabuhanga, abajije Rev. Karangwa John aho yari mu cyumba kinini cya Gereza ya Nyarugenge i Mageragere niba yiteguye kuburana. Karangwa ahise asubiza, ariko amajwi acikagurika, ko yiteguye kandi afite abunganizi mu rubanza rwe batatu, babiri bari kumwe na we undi ari mu rukiko imbere y’umucamanza. Umushinjacyaha na we ari imbere y’umucamanza.

Umucamanza asabye umushinjacyaha gusubira mu nyito y’ikirego, umushinjacyaha mu ijwi rituje agira ati “Tumaze gusesengura dosiye n’uko iperereza rigenda ritera imbere, Karangwa araregwa Gukora no gukoresha inyandiko mpimbano.” Akomeje asobanura ko inyandiko mpimbano Karangwa aregwa ari impamyabushobozi ebyiri, imwe yo mu cyiciro cya mbere cya Kaminuza (Diploma) mu nyigisho za Bibiliya (Theology) igaragara ko yavuye muri Uganda School of Theology n’indi yo mu cyiciro cya kabiri cya Kaminuza (Bachelor’s Degree) mu nyigisho za Bibiliya igaragara ko yakuwe muri Philippines.

Umushinjacyaha avuga ko inyandiko bafite kandi zashatswe zinatangwa n’inzego zibifitiye ububasha, amashuri Rev. Karangwa John avuga ko yakuyemo yazikuyemo atabaho, bityo izo mpamyabushobozi na zo ari impimbano. Akaba yarazikoresheje ubwo yiyamamarizaga kuba Umuvugizi Wungirije wa ADEPR ari na zo yatanze muri dosiye yamuhesheje ubwo burenganzira ndetse akanatorwa.

Rev. Karangwa avuga ko inyandiko mpimbano bamushinja ari ibinyoma bahimbye kuko aho yize muri Uganda mu ishuri ishuri ry’inyigisho za Bibiliya kandi hari abo biganye batanga ubuhamya. Avuga ko impamyabushobozi bavuga yavuye muri Uganda atari iye kuko atigeze yigayo Kaminuza ahubwo yahize amashuri yisumbuye, ikindi kandi nk’uko byagarutsweho n’abunganizi be ngo Ubushinjacyaha bwashatse ibyemezo aho Karangwa atize.

Iyi mpamyabushobozi Karangwa John ntayemera avuga ko ari iyo bamuhimbiye (Ifoto/Ububiko)

Ku birebana n’Impamyabushobozi yavuye muri Philippines, Karangwa avuga ko iyatanzwe kandi aregwa ari iyo mu 2013 kandi we afite iyo mu 2019. Yikoma cyane Kayigamba Callixte, Perezida w’Inama y’Ubutegetsi ya ADEPR ndetse n’uwari umwanditsi we wihariye Kamugisha ndetse n’uwitwa Rushatsi ko ari bo bamuhimbiye bakamugerekaho impamyabushobozi yo muri Philippines.

Iyi mpamyabushobozi Karangwa John ntayemera avuga ko ari iyo bamuhimbiwe na Kayigamba Callixte na Kamugisha wari Umunyamabanga we wihariye (Ifoto/Ububiko)

Umushinjacyaha yasobanuye ko bafite ibimenyetso by’izo mpamyabushobozi ko ari impimbano, kuko ibigo bivugwa ko byazitanze bitabaho. Akavuga ko abunganira Karangwa John nta bimenyetso bafite bivuguruza ibyo ubushinjacyaha bwatanze. Avuga ko ibimenyetso batanga byavuye kuri Google nyamara nta websites bagaragaza z’ayo mashuri.

Nubwo uruhande rwa Karangwa John rwasabye ko arekurwa agakurikiranwa ari hanze kuko nta cyaha afite, ubushinjacyaha bwamusabiye gufungwa imyaka irindwi n’ihazabu ya miliyoni eshanu z’amafaranga y’u Rwanda. Umwanzuro kuri uru rubanza ukazagaragazwa ku wa 30 Kamena 2020 saa cyenda z’igicamunsi (15:00).


Source: Panorama

ADVERTISEMENT





ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO






Nature
by : FRATERNE MUDATINYA 10 August, 2020







Nature
by : FRATERNE MUDATINYA 20 July, 2020




FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links