ads

ads

ads ads

@rwandatoday, Amamaza hano +250 788 625 932...

Ku munsi wa mbere urubanza rwa Kabuga Felicien rwahise rusubikwa

by FRATERNE MUDATINYA 20 May. 2020 @rwandatoday 6K Views


20052020082654Kabuga-Felicien-1.jpg
ADVERTISEMENT



Kabuga yitabye Urukiko rw’Ubujurire rwa Paris mu Rugereko rwarwo rushinzwe gukurikirana ibyaha by’intambara n’ibyibasiye inyokomuntu.

Amategeko ateganya ko iyo umuntu afashwe hakurikijwe impapuro mpuzamahanga yashyiriweho, urukiko rubanza kureba neza niba izo mpapuro zifite ishingiro nyuma akaba aribwo rufata umwanzuro wo kuba yakoherezwa aho agomba kuburanira.

Kuri Kabuga akaba ari mu Rwego rwasigariyeho Urukiko Mpuzamahanga Mpanabyaha, IRMCT, i Arusha muri Tanzania.

Mbere y’uko iburanisha ritangira, Umunyamategeko wa Kabuga, yari yasabye ko iburanisha ry’uyu munsi ryasubikwa hakaba hakongerwaho iminsi umunani kugira ngo abashe kwitegura neza urubanza, kandi mu mategeko y’u Bufaransa ubu busabe buhabwa agaciro iyo bahayeho iburanisha rya mbere.

Kabuga yajyanywe mu rukiko atwawe mu igare ry’abafite intege nke, yambaye impantalo y’ikoboyi y’ubururu n’umupira w’ubururu w’imbeho. Ni umugabo mu gihagararo muto muto w’imvi, yari yambaye n’agapfukamunwa k’ubururu mu kwirinda icyorezo cya Coronavirus.

Yabwiye urukiko ko nta mugore agira, ko afite abana 11. Perezida w’Urukiko yamusomeye ibikubiye mu nyandiko zisaba ko atabwa muri yombi ingingo ku yindi. Yavuze ko yavutse mu 1933 ariko ko mu byangombwa handitse ko yavutse mu 1935 bisobanuye ko afite imyaka 87.

Abo mu muryango we bari bahari ndetse bahagurutse baramupepera ubwo yinjizwaga mu rukiko. Yasabye ko yahabwa umwanya agategura urubanza, ndetse ko yifuza kuburanira mu Bufaransa aho kuba yakoherezwa ahandi.

Abanyamategeko be babwiye urukiko ko kugeza ubu afite uburenganzira bwo gufatwa nk’umwere, ko nta muntu n’umwe ukwiye kumwita umunyacyaha nk’uko ngo itangazo ryatanzwe n’Ubushinjacyaha Bukuru mu Bufaransa bwabivuze ko ari “umwe mu bagize uruhare muri Jenoside” yakorewe Abatutsi, bavuga ko iyo mvugo yakoreshejwe nk’aho yamaze guhamwa n’icyaha.

ADVERTISEMENT

Nk’uko byari byitezwe ko urukiko rushobora gufata umwanzuro wo kwimura iburanisha, niko byagenze, aho umucamanza yemeye ubusabe bw’uregwa akavuga ko iburanisha risubitswe rikazongera gusubukurwa ku wa 27 Gicurasi (ku wa Gatatu utaha) saa munani.

Kabuga muri uru rubanza ari kunganirwa n’Umunyamategeko w’Umufaransa, Emmanuel Altit, wari mu itsinda ry’abunganizi ba Laurent Gbagbo wahoze ari Perezida wa Côte d’Ivoire uherutse kugirwa umwere ku byaha by’intambara yari akurikiranyweho n’urukiko rwa ICC.


Kabuga félicien ari kunganirwa n'umunyamategeko Emmanuel Altit waburaniye Laurent Gbagbo

ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO

















FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links