ads

ads

ads ads

@rwandatoday, Amamaza hano +250 788 625 932...

Umwana w’imyaka 9 warugiye kurangiza kaminuza yavuye mu ishuri

by FRATERNE MUDATINYA 12 December. 2019 @rwandatoday 5K Views


12122019204826109754886_boy4-678x381.jpg
ADVERTISEMENT



Umwana w’umuhanga wari ufite ubwenge budasanzwe wari witezweho kurangiza kaminuza yo mu gihugu cy’Ubuholandi muri uku kwezi yavuye mu ishuri.

Ababyeyi ba Laurent Simons, bifuzaga ko arangiza kaminuza mbere y’isabukuru ye ku itariki 26 z’uku kwezi kugira ngo ace umuhigo w’umuntu muto ku isi warangije kaminuza ataragira imyaka 10.

Gusa kaminuza ya Eindhoven yababwiye ko hakiri ibizamini byinshi Laurent akeneye gukora mbere y’icyo gihe.

Ababyeyi be banze ibyo kaminuza yababwiye ko uyu mwana azarangiza hagati mu 2020, bahita bamuvana mu masomo.

Kubera ubwenge bwe, Laurent yagombaga kurangiza ishami rya ‘electrical engineering’ – ubundi ryigwa imyaka itatu – mu gihe cy’amezi 10 kugira ngo isabukuru ye itagera atarangije.

Alexander Simons, se w’uyu mwana, yabwiye ibinyamakuru mu Buholandi ko iyi kaminuza yamunenze kureka itangazamakuru rikavuga cyane umwana we.

Simons yabwiye ikinyamakuru De Volkskrant ati: “Twabwiwe ko kuba itangazamakuru rireba umwana wacu bimushyiraho igitutu, ko nitubikomeza bazanamukoresha ikizamini cy’ubuzima bwo mu mutwe.”
ADVERTISEMENT

Arakomeza ati: “Iyo umwana akina umupira neza, twese twumva ko itangazamakuru rikwiye kumugaragaza. Umuhungu wanjye afite impano itandukanye, kuki we itamutera ishema?”

Kuri Instagram ya Laurent Simons yashyizeho ifoto igaragaza email kaminuza yabandikiye mu kwezi gushize ibabwira ko ashobora kurangiza muri uku kwezi, yayanditseho ngo “ababeshyi ababeshyi!!!”

Itangazo ryasohowe na kaminuza y’ikoranabuhanga ya Eindhoven rivuga ko bidashoboka ko Laurent arangiza ataruzuza imyaka 10 mu gihe agikura mu “ntekerezo n’inyurabwenge”.

Iyi kaminuza ivuga ko kwihutisha uyu mwana akarangiza kaminuza, ubushobozi bwe nk’uwarangije kaminuza bwahazaharira.

Iyi kaminuza kandi mu itangazo ryayo inenga “gushyira igitutu ku mwana w’imyaka icyenda, ufite impano idasanzwe”.

Laurent, ufite igipimo cy’ubwenge (IQ/ intelligence quotient) kigera ku 145, yari afite imyaka ine atangira amashuri abanza.

Ubushakashatsi bwakozwe n’abahanga b’Abadage buvuga ko 2/3 by’abantu babukoreweho bafite iki gipimo kiri hagati ya IQ 85 na IQ 115, naho 2,5% ari bo bafite gusa hejuru ya IQ 130.

Ku myaka itandatu Laurent yari ageze mu mashuri yisumbuye, kubera ubwenge yarihuse cyane imyaka itandatu ayiga mu myaka ibiri ituzuye, yinjira kaminuza ariyo yari agiye kurangiza.

Guinness Book of World Records yandikwamo abaciye imihigo ku isi ivuga ko umunyamerika Michael Kearney wari ufite imyaka 10 ariwe muntu warangije kaminuza ari muto cyane, hari mu 1994.


Uyu mwana kubera ubuhanga bwe yigaga Electrical Engeneering


Ababyeyi b’uyu mwana bavuze ko iyi kaminuza umwana wabo yigagamo ari ababeshyi

ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO







Nature
by : Vincent TWAGIRAYEZU 28 January, 2020










FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links