ads

ads

ads ads

@rwandatoday, Amamaza hano +250 788 625 932...

Abitwaje intwaro binjiye mu misa bica abantu batandatu barimo na padiri Soma inkuru hano

by Nsengiyumva Edouard 13 May. 2019 @rwandatoday 17K Views


13052019102106447eaec587345eae0f552de22a329aaa.jpg
ADVERTISEMENT


Mu majyaruguru ya Burkina Faso, abantu bitwaje intwaro binjiye mu kiriziya y’ahitwa Dablo kuri iki cyumweru basanga abantu bari mu misa bicamo batandatu barimo na padiri.
Abategetsi muri iki gihugu bavuga ko aba bantu bateye kuri iyo kiriziya bari hagati ya 20 na 30, bahise banatwika iyi kiriziya.
Ousmane Zongo utegeka agace ka Dablo avuga ko abantu bagize ubwoba bwinshi babona kiriziya iri gushya n’aba bateye bari gusahura ikigo cy’ubuvuzi gihari.
Kuva 2016 muri iki gihugu ibitero by’urugomo n’ubwicanyi nk’ibi bikorwa n’abahezanguni biyitirira idini ya Islam byariyongereye.
ADVERTISEMENT

Uru ni urusengero rwa gatatu rutewe mu byumweru bitanu bishize muri icyo gihugu.
Uko igitero cyagenze
Hari saa tatu z’igitondo kuri iki cyumweru muri aka gace (ni nayo saha ngengamasaha,GMT) abakirisitu bariho bumva misa.
Ousmane Zongo yatangarije AFP ko abagabye igitero binjiye mu kiriziya bagatangira kurasa abantu bariho bagerageza guhunga.
Ati "Ubu hari icyoba mu mugi wose. Abantu bagumye mu ngo zabo, nta kintu kiri gukorwa. Ibikorwa by’ubucuruzi byafunze".
Amakuru avuga ko ingabo zo gutabara uyu mugi zavuye mu magepfo ahitwa Barsalogho, muri kilometero 45 uvuye Dablo.
Umunyamakuru ukorera muri aka gace yabwiye BBC dukesha iyi nkuru ko mu bishwe harimo abayoboye kiriziya, kandi ko abaturage ba hano babajwe cyane no kuba ingabo zo mu kigo kiri hafi zitahise zitabara.
Ni bande bari gukora ibi bikorwa?
Imitwe yiyita iya Islam irashyinjwa kugaba ibitero bitari bike mu bihugu byo muri Afurika y’uburengerazuba kuva imyaka ishyize.

Imitwe ifite ubucuti na al-Qaeda n’umutwe wiyita Leta ya Ki Islam, hamwe n’umutwe Ansarul Islam iribasiye ako karere.
Iyi mitwe yiyita iya Islam ivuga ko irwanya inyigisho zo mu burengerazuba bw’isi iribasira kandi abarimu n’amashuri.
Burkina Faso iri mu gace ka Sahel kugarijwe n’imitwe y’abahezanguni bitwaza idini ya Islam.
Iki gihugu hamwe na Niger, Chad, Mauritania and Mali, Burkina Faso byashyizeho umutwe w’ingabo wistwa, G5 Sahel wo kurwanya iyi mitwe.
Gusa ntibyabujije ko ibitero by’ubwicanyi no gushimuta abantu by’iyi mitwe byiyongereye biva kuri 12 mu 2016 bigera ku 158 mu 2018.
Kuwa gatanu, abasirikare b’abafaransa bagabye igitero cyo kubohora abafashwe bunyago, babashije kubohoza bane (4), abasirikare babiri b’abafaransa bahasize ubuzima.
U Bufaransa bwahoze bukoroniza aka karere ubu bugafitemo ingabo 4,500 ziri mu butumwa bwiswe Barkhane bwo kurwanya iyi mitwe y’abahezanguni.

ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO













Nature
by : OUR REPORTERS 18 July, 2019




FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links