ads

ads

ads ads

@rwandatoday, Amamaza hano +250 788 625 932...

Depite Mukabunani ntiyumva uburyo abanyarwanda bagihingisha isuka

by OUR REPORTERS 9 May. 2019 @rwandatoday 3K Views


09052019174558image_750x_5cd3dfbc247a0.jpg
ADVERTISEMENT



Depite Mubunani Christine yabajije Minisiteri y’Ubuhinzi n’Ubworozi mu Rwanda (MINAGRI) impamvu abanyarwanda benshi bagihinga mu buryo gakondo bakoresheje isuka kandi u Rwanda ari igihugu kimaze gutera imbere.

Yabigarutseho kuri uyu wa Gatatu ubwo Minagri yagezaga kuri Komisiyo y’Ingengo y’Imari n’Umutungo by’Igihugu, uko ingengo y’imari ya 2018/2019 yakoreshejwe n’ibiteganyijwe gukorwa mu ngengo y’imari ya 2019/2020.

U Rwanda rwihaye intego yo kuba mu mwaka wa 2020 ubuhinzi bukoresheje imashini buzaba bungana na 50%, mu gihe kugeza ubu buri kuri 25%.

Umunyamabanga Uhoraho muri MINAGRI, Musabyimana Jean Claude yavuze ko bari basabye guhabwa miliyari 272.8 Frw yo gukoreshwa mu buhinzi n’ubworozi mu ngengo y’imari ya 2019/2020 ariko bagahabwa miliyari 121Frw bituma hazamo icyuho cya miliyari zisaga 151Frw.

Mu bitekerezo byatanzwe n’abadepite bagaragaje ko ibibazo biri muri Minagri bidashingiye ku ngengo y’imari nke ahubwo imikorere ariyo ikirimo ikibazo.
ADVERTISEMENT

Depite Mukabunani yavuze ko uburyo bw’imikorere muri Minagri bugomba guhinduka.

Yagize ati “Iyo turebye ibibazo muri iki gihe bihari ku buryo n’abadepite bari kubikoraho ubundi bucukumbuzi kugira ngo bikemuke, ntabwo ikibazo ari ingengo y’imari ahubwo ikibazo ni uburyo bw’imikorere.”

Depite Mukabunani avuga ko bitumvikana uburyo abahinzi bo mu Rwanda bagihinga gakondo kandi mu bindi bihugu bidafite icyo birusha u Rwanda bahingisha imashini, inka n’irindi koranabuhanga.

Yagize ati “Ntanze urugero urebye uburyo abahinzi bo mu Rwanda bagihinga bya gakondo, watemberera mu bindi bihugu bitanaturusha ubushobozi ugasanga abahinzi barahingisha inka, barahingisha imashini, ukabura icyo tubura kugira ngo tube twagera aho ngaho, aho tugifata isuka intoki zikagera aho ziturika tugihingisha amasuka.".

Abadepite banasabye ko ingengo y’imari ya Minagri ivanwa ku rwego rwo hejuru ikamanurwa mu turere aho abaturage bari kuko urebye uko iy’uyu mwaka w’ingengo y’imari iteye, miliyari 22 nizo zizoherezwa mu turere.

Minisitiri w’ubuhinzi n’ubworozi Dr Mukeshimana Gérardine mu minsi ishize ubwo yari imbere y’Inteko Ishinga Amategeko, yavuze ko u Rwanda ruri mu biganiro na sosiyete imwe yo mu mahanga ikora imodoka zihinga (tractors) ku buryo bikunze batangira kuziteranyiriza mu Rwanda vuba mu kuziba icyuho cy’ikoranabuhanga rike mu buhinzi.

Yavuze ko hari n’uburyo Leta yatangije bwo kwishingira abahinzi bashaka kugura ibikoresho by’ikoranabuhanga mu buhinzi, bakabibona ku giciro cyoroheje.

Kugeza ubu mu Rwanda hari sosiyete enye zivana mu mahanga imashini zihinga zikazigurisha, sosiyete icyenda zikodesha imashini z’ubuhinzi ku bahinzi naho abantu batanu nibo bateranyiriza mu gihugu ibindi bikoresho by’ikoranabuhanga byifashishwa mu buhinzi

ADVERTISEMENT
Mountains
ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO







Nature
by : OUR REPORTERS 18 July, 2019










FACEBOOK


Our main page @Rwandatoday.rw loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




Contact

Join Us

Links